【人啼雞】
＊＊下半部分是繁中華語版＊＊
＊＊下半部分是繁中華語版＊＊
阿公每次回憶起佢被驅趕出村嘅經歷，都總會講一句人生唔到結局嗰日，都唔知呢個轉折係好定壞。
的確，如果阿公無被趕走，佢或者會喺鄉下渡過餘生。佢亦唔會四處遊歷，偷渡來香港，擁有我呢個優秀嘅助手。
「所以黎明前嘅黑暗，係最撚黑暗！」我試圖用《蝙蝠俠》電影中嘅金句來令自己顯得好有哲理，反正阿公一定無睇過，嘿嘿。
「只啱一半，現實社會唔係大自然嘅晝夜，若然你置身事外乜都唔做，黎明點都唔會來臨。你想驅逐黑暗，就必須靠自己燃起火把。」阿公。
「……」我輸咗，徹底輸咗！我就係講唔過阿公㗎啦，嗚嗚…
阿公話，呢個世界本來就沒有正或邪，除非有人出來定義佢。
以下呢個故事，係阿公喺遊歷期間所遇到嘅怪事，離開鄉下嘅佢開始居無定所嘅生活。
當年無網絡，又無電話、無電視…資訊完全唔流通，每條村或城鎮，都會衍生出截然不同嘅習俗與文化。
阿公走咗三日三夜路，到咗一個叫「三合圩村」嘅地方。佢每到達一條村，都會睇吓有冇人需要道士，希望可以掙點錢或換取幾日食宿。
阿公慢慢步入村內，當時大約係凌晨四點，陰氣最重嘅時分，成條村漆黑一片，彌漫住好重濕氣嘅濃霧。
就喺呢個時候，阿公聽到村內突然響起雞啼聲。
阿公感到訝異，呢個時間唔係公雞雞啼嘅時間，而且雞啼聲有啲古怪…
佢叫到好似一個女仔聲嘶力竭嘅淒厲慘叫聲一樣…
『啊啊啊啊啊啊…』『啊啊啊啊啊啊…』
阿公深入濃霧尋找聲音來源，雞啼聲愈聽愈覺心寒。
最後，阿公嚟到一個養雞嘅鐵籠前，籠內大約有幾十隻雞走來走去，仲有幾隻肥到行都行唔郁嘅豬。
此時，一個中年男人從別處走出，手上拎住一根木棍走近雞籠。
阿公見狀馬上躲入幽暗處，只見男人不斷揮打木棍敲擊雞籠，又伸手入雞籠猛戳嗰隻怪叫嘅雞：「唔好嘈啦！畜生！劏咗你！」
原本熟睡嘅肥豬被嚇得驚醒過來，喺籠入面躁動不安咁亂衝猛撞。
「唔好意思，請問…」阿公慢慢走近。
「咦？！你唔係呢條村嘅人，嚟呢度做乜？」
阿公作簡單自我介紹後，男人亦冷靜落嚟：「道士？來得正好，呢隻雞…應該係被鬼上身！你頭先都聽到啦？隻畜生每晚都亂叫，叫聲同真人一樣㗎，妖孽！」
「靈體並唔能夠貿然附身喺其他生物身上，而且人嘅磁場同動物唔同，就等如動物嘅靈體都唔可能附到人身上。」
阿公解釋後，男人聽得一頭霧水。
「請問點稱呼？」阿公先讓男人冷靜落嚟。
「呃…我叫林志忠。」
此時，雞籠旁邊嘅木屋內有燭光亮起，一道身影從屋內走出嚟。
「你哋喺度做乜啊？！」一個年紀較老嘅男人，手上拎住斬柴用嘅斧頭，作勢向林志忠揮舞。
林志忠見狀，只好一邊咒罵一邊逃去。
呢個老男人名叫彪叔，佢係雞籠嘅主人，阿公只好上前表明來意。
「廢話！我養嘅雞點可能被鬼附身！」彪叔。
「我都係咁認為，但如果你唔介意，我可以嘗試幫你解決問題…」阿公。
「都話咗無問題啦！普通雞啼咋嘛，大驚小怪！」彪叔非常暴躁，手上又拎住斧頭，阿公只好先行離開。
幸好，阿公最後喺附近搵到一間荒廢嘅破屋，可以畀佢暫作休息。
隔天晚上，阿公喺條村嘅周圍查探吓有冇靈體作怪，但結果發現成條村都好正常，亦無冤靈喺附近，唯獨彪叔屋企散發住異樣嘅邪氣。
本來阿公打算向其他村民查探，睇吓有冇其他線索。
然而…有人比佢更快一步。
就喺當晚半夜，阿公喺破屋裏訓緊覺，林志忠再次偷偷走到雞籠前，唔同嘅係今次佢帶咗一把菜刀同大鐵鉗。
林志忠先用鐵鉗剪開雞籠嘅門鎖，再走進雞籠內。
「仲唔捉到你！」林志忠一眼就認出嗰隻會發出人叫聲嘅公雞，一手捉住佢條頸，隻雞嚇到不斷拍打翅膀掙扎。
『救命！』『唔好殺我！』『救命…！』
林志忠大嚇一跳，這隻雞竟然能發出人聲嘅求救：「你呢隻妖怪！」
林志忠手起刀落，將雞頭斬斷，頓時血花四濺，成個雞籠都被染成血紅。
阿公被恐怖嘅慘叫聲嚇醒，馬上跑到雞籠前，只見林志忠拎住斷頭嘅雞屍體，全身仲滴住黏稠稠嘅血，連塊臉都沾有血跡。
「你…」阿公當下都嚇咗一跳。
「我今日就係嚟斬死呢隻妖怪！」林志忠將雞屍丟落地，掄起菜刀將雞屍斬成肉塊。
就喺呢個時候，有樣嘢吸引咗阿公嘅視線：「等等！」
佢發現一塊白色嘅小骨頭，插住喺雞嘅內臟堆中，阿公執起來仔細一看…
係一隻小孩嘅牙齒。
（待續）
300 Share 繼續！
＊喜歡阿公，請花半秒like & share＊
《夜谷賓館２》小說已經推出！
書店沒有，只能網購：
購買連結：https://bluegodzistore.boutir.com/
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
阿公每次回憶起他被驅趕出村的經歷，總是說人生不到結局的一天，都不知道這個轉折是好是壞。
也對嘛，如果阿公沒有被趕走，他也許會在鄉下渡過餘生，也不會四處遊歷，偷渡來香港，擁有我這個優秀的助手。
「所以黎明來臨前的天空，是最黑暗的。」我試圖用《蝙蝠俠》電影中的金句來裝作自己很有哲理，反正阿公一定沒看過，嘿嘿。
「只對了一半，但現實社會不像大自然的晝夜，若然你置身事外什麼都不做，黎明也不會來臨。你想驅逐黑暗，就必須靠自己來燃起火把。」阿公。
「……」我輸了，徹底輸了！我就是講不過阿公啦，嗚嗚…
阿公說，這世界本來就沒有正或邪，除非有人出來定義它們。
以下這個故事，是阿公在遊歷期間所遇到的怪事。離開鄉下的他開始居無定所的生活。
當年沒有網絡，也沒有電話、沒有電視…資訊完全不流通，每個村子或城鎮，都會衍生出截然不同的習俗與文化。
阿公走了三日三夜的路，到達一個叫「三合圩村」的地方。他每到達一個村子，便會看看哪戶人家需要道士，希望能掙點錢或換取幾天食宿。
阿公慢慢步入村內，當時大約是凌晨四點，是陰氣最重的時分，整條村子漆黑一片，彌漫著濕氣很重的濃霧。
就在這個時候，阿公聽到村內突然響起雞啼聲。
阿公感到訝異，這個時間絕不是公雞雞啼的時間，而且雞啼聲有點古怪…
牠叫得像一個女生叫破喉嚨，聲嘶力竭的慘叫聲一樣…
『啊啊啊啊啊啊…』『啊啊啊啊啊啊…』
阿公深入濃霧尋找聲音來源，這雞啼聲愈聽愈覺心寒。
最後，阿公來到一個養雞的鐵籠前，裏面大約有數十隻雞在走動，還有幾隻胖到沒法走動的肥豬共處。
此時，一個中年男人從別處走出來，手上拿著一根木棍走近雞籠。
阿公見狀馬上躲進幽暗處，只見男人不斷揮打木棍敲擊雞籠，又伸手進雞籠猛戳那隻啼叫的雞：「不要吵了！畜生！宰了你！」
原本熟睡的肥豬也被嚇得驚醒過來在籠裏躁動不安地亂衝猛撞。
「不好意思，請問…」阿公慢慢走近。
「咦？！你不是這條村的人，來這裏幹嗎？」
阿公作簡單自我介紹後，男人也冷靜過來：「道士嗎？來得正好，這隻雞…應該是被鬼上身了！你也聽到吧？這畜生每晚都在亂叫，叫得跟人一樣，太駭人了！」
「靈體並不能貿然附身在其他生物身上，而且人的靈體能量跟動物不一樣，就等如動物的靈體也不能附到人身上。」
阿公解釋後，男人聽得一愣一愣的。
「請問怎樣稱呼？」阿公想先讓男人冷靜下來。
「呃…我叫林志忠。」
此時，雞籠旁邊的木屋內有燭光亮起，一道身影從屋內走出來。
「你們在這裏幹嗎？！」出來的是年紀較老的男人，他手上拿著斬柴用的斧頭，作勢向著林志忠揮動。
林志忠見狀，只好一邊咒罵一邊逃去。
這老男人名叫彪叔，他是雞籠的主人，阿公只好上前表明來意。
「屁話！我養的雞才沒有被鬼附身！」彪叔。
「嗯，我也這樣認為。但如果你不介意，我可以嘗試幫你解決問題的…」阿公。
「都說沒問題啦！只是一般雞啼罷了，別大驚小怪！」彪叔非常暴躁，手上還拿著斧頭，阿公只好先行離開。
幸好，阿公最後在附近找到一間荒廢的破屋，可以讓他暫作休息。
隔天的晚上，阿公在村子的周圍查看有沒有靈體在作怪，卻發現整條村很正常，也沒冤靈在附近，唯獨彪叔的家散發著異樣的邪氣。
本來阿公打算向其他村民查探，看看有沒有其他線索。
然而…有人比他更快一步。
就在當晚半夜，阿公在破屋裏熟睡，林志忠再次偷偷來到雞籠面前，這次他拿著一把菜刀和大鐵鉗。
林志忠先用鐵鉗剪開雞籠的門鎖，再走進雞籠內。
「找到你了！」林志忠一眼就認出那隻會發出人叫聲的公雞，一手抓住牠的脖頸，牠嚇得不斷拍打翅膀掙扎。
『救命！』『別殺我！』『救命…！』
林志忠大嚇一跳，這隻雞竟然能發出人聲的求救：「你這妖怪！」
林志忠手起刀落，將雞頭斬斷，頓時血花四濺，整個雞籠都被染成血紅。
阿公被恐怖的雞叫聲嚇醒，馬上跑到雞籠前，只見林志忠手拿著斷頭的雞屍體，全身還滴著黏稠稠的血，連臉都沾有血跡。
「你…」阿公也嚇得說不出話。
「我就要看看這妖怪藏著什麼！」林志忠將雞屍丟在地上，掄起菜刀把雞屍斬成肉塊。
就在這個時候，有東西吸引了阿公的視線：「等等！」
他發現一塊白色的小骨頭刺在雞的內臟堆中，阿公撿起來仔細一看…
是一隻小孩的牙齒。
（待續）
300 Share 繼續！
＊喜歡阿公，請花半秒like & share＊
《夜谷賓館２》小說已經推出！
書店沒有，只能網購：
購買連結：https://bluegodzistore.boutir.com/
Search